ԳԱՂԹ` ՀԱՄԸՆԴՀԱՆՈՒՐ ԲԱՐՕՐՈՒԹՅԱՆ ՀԱՄԱՐ
IOM-ը`Գաղթի Միջազգային Կազմակերպությունը օգնություն է ցուցաբերում ամբողջ աշխարհի գաղթականներին:
Նիդերլանդներում IOM-ը զբաղվում է երկիր ներգաղթող և արտագաղթող գաղթականների ուղեկցմամբ, ծագման երկրում վերաինտեգրացման գործընթացներով, կազմակերպում վերակառուցողական նախագծերի ժամանակավոր առաքելություններ ծագման երկրում, զբաղվում է աշխատանքային գաղթին և գաղթ / առողջությանը առնչվող խնդիրներով, ինչպես նաև մարդկանց ապօրինի առևտրի դեմ պայքարով:
Գաղթականները կարող են IOM-ին դիմել մասնավորապես հետևյալ դեպքերում`
- ծագման երկիր կամավոր վերադաձի մասին խորհուրդների ստացում;
- ծագման երկիր վերադառնալու աջակցության հատկացում;
- օտարերկրացիների կալանավայրից ինքնուրույն մեկնման միջնորդություն;
- ծագման երկրում վերաինտեգրացման աջակցության հատկացում (գումար և / կամ այլ կարգի ծառայություններ);
- ծագման երկրի զարգացմանը նպաստելու նպատակով ժամանակավոր առաքելությունների իրականացում;
- պրոֆեսիոնալ որակական ներդրումներ ծագման երկրում իրականացվող վերակառուցողական նախագծերում;
- ընտանեկան վերամիավորման նպատակով ներգաղթող և Նիդերլանդներ հրավիրված փախստականների ընդունում և ուղեկցում;
- երրորդ երկրում բնակություն վերահաստատող գաղթականների ճանապարհորդության կազմակերպում (եթե բավարարված են ընդունող երկրի ներգաղթի պահանջները);
- ճանապարհորդության ուղեկցում Սխիպհոլ օդանավակայանում, ինչպես նաև տարանցիկ և նպատակաերկրների օդանավակայաններում.
Ժնևում գտնվող գլխավոր գրասենյակով IOM-ը հիմնադրվել է 1951 թվականին և միավորում է ավելի քան 120 պետություններ: IOM-ը անկախ միջազգային կազմակերպություն է: Նիդերլանդներում գործող գրասենյակը պատկանում է գաղթի վերաբերյալ միասնական գիտելիքները գործնական ծրագրերի վերածող համաշխարհային ցանցին:
